ComerEo

Traballamos xunto aos equipos de cociña e de nutricionistas no estudo previo das necesidades de produto requerido ao longo dun ano en función da composición dos menús, adaptandoos á oferta de alimentos de tempada. A partir de aí, coordinamos a organización e planificación coas persoas agricultoras para dispor dunha oferta diversa e adaptada, procurando optimizar progresivamente a coordinación entre as demandas dos equipos de cociña e as programacións de cultivos das persoas produtoras.

Facilitamos a implementación de ferramentas dixitais que  axilicen a xestión diaría dos pedidos, tanto para a demanda dos equipos de cociña coma para a planificación por parte das produtoras locais.

Realizamos actividades de sensibilización e formación dirixidas ao alumnado, profesorado, familias e equipos de cociña sobre os beneficios dunha alimentación ecolóxica, local, fresca e de tempada.