Eo Alimenta

Unha estratexia alimentaria para a biorrexión do río Eo

[data-wf-bgvideo-fallback-img] { display: none; } @media (prefers-reduced-motion: reduce) { [data-wf-bgvideo-fallback-img] { position: absolute; z-index: -100; display: inline-block; height: 100%; width: 100%; object-fit: cover; } }

Que é Eo Alimenta?

Eo Alimenta é unha Estratexia Alimentaria Participativa deseñada e impulsada por múltiples axentes e persoas vencelladas ao sector agroalimentario presentes na biorrexión do río Eo. Dito territorio abrangue a extensión dos concellos de Barreiros, A Pontenova, Ribadeo e Trabada en Galicia e Castropol, San Tirso de Abres, Tapia de Casariego, Taramundi e Vegadeo en Asturias. Eo Alimenta propón e desenvolve unha serie de medidas que contribúen a acadar un sistema alimentario sostíbel para o territorio, saudábel para as persoas e digno para os proxectos produtivos locais que fan posíbel a nosa alimentación.

Estratexia

Que facemos?

Eo Alimenta desenvólvese partindo das medidas propostas pola Estratexia Alimentaria, involucrando de xeito participativo e coordinado a todos os axentes que fan posíbel que os alimentos agroecolóxicos locais estean dispoñíbeis e ao alcance dos comedores escolares, do comercio local, das prazas de abastos, da hostalería, da restauración colectiva e da cidadanía.

Promoción da produción agroecolóxica

Articulación do consumo de proximidade

Cultura da alimentación saudábel e sostíbel

Cooperación e participación

Como o facemos?

Eo Alimenta nace do desexo colectivo de avanzar cara a soberanía alimentaria, recoñecendo o valor ecosistémico, social e cultural do noso territorio como o mellor xeito de garantir unha alimentación saludábel, sostíbel e de calidade para as persoas e para a natureza. Organizámonos en tres niveis de cooperación:

Asociación de Produtoras Eo Alimenta

Cooperación entre produtoras da biorrexión do río Eo para satisfacer a demanda de alimentos locais e de tempada mediante o cultivo e o manexo agroecolóxico.

Saber máis

Programa ComerEo “da horta á mesa”

Colaboración cos centros educativos para incorporar nos comedores escolares alimentos de calidade, locais e agroecolóxicos.

Saber máis

Consello Alimentario do Eo

Gobernación participativa, asesoramento e seguimento a través do Consello Alimentario do Eo.

Saber máis

Agroecoloxía

Eo Alimenta baséase nos valores da agroecoloxía. A agroecoloxía é un sistema integrado que combina ciencia, práctica e momentos sociais para promover formas de agricultura e gandería sostíbeis e equitativas. Estuda como interactúan os compoñentes dun ecosistema e busca implementar prácticas sostíbeis que optimicen e estabilicen a produción a nivel económico, social e ambiental.